Contoh Mandok Hata Pasahat Ulos Pansamot di Pesta Pernikahan

Ulos pansamot diberikan oleh orang tua dari pengantin wanita kepada orang tua pengantin laki-laki.

Secara filosofi, ulos pansamot ini merupakan simbol ucapan terima kasih kepada orang tua pengantin laki-laki karena telah bertanggung jawab dalam pelaksanaan adat dan atas pemberian sinamot (mahar) sehingga acara pesta adat pernikahan bisa berjalan dengan baik.

Berikut saya tulis 2 contoh mandok hata pasahat ulos pansamot lengkap dengan umpasa.

Contoh 1

Dihamu  lae dohot dihamu ibotongku.

Mauliate ma tadok tu Tuhanta pardenggan basa i, ala di dongani do hita di ulaonta sadari on ima di naung manjalo pasu pasu parbagason anakhonta, anak muna naung gabe hela nami, jala boru nami naung gabe parumaenmuna sian bagas joro ni Tuhanta marhite hite na posoNa

Disialani i lae dohot ho ito dison ro do hami na laho pasahathon ulos pansamot tu hamuna.

Ulos na ganjang, ulos  nahapal  sitorop  rambu na umpinta ganjang ni umur torop ni pinompar dilaengku dohot ibotongku, tumpahon ni Tuhan ta pardenggan basai.

Asa dohonon ma songon nidok ni natua tua:

Dolok ni purbatua, tondongkon ni siborotan
Sai saurma hamu saurmatua, jala tiur nang pansamotan

Eme namabiur, di lambung ni hariara
Torop ma dihamu pinompar, jala maribur, huhut matangkang manjuara

Hau simartolu, di tombak ni panamparan.
Sahat ma laengku dohot ibotong leleng mangolu, di haliangi angka pomparan

Contoh 2

On ma da lae ulos pansamot di hamu, songon parhitean ni tangiang nami sai dipargogoi Tuhanta ma hamu mangalului ngolu siapari dohot pansamotan asa jumpang songon ni dok ni umpasa:

Dolok ni purbatua, tondongkon ni siborotan
Sai saur ma hamu sarimatua, tiur nang pansamotan