Contoh Mandok Hata di Punguan Arisan Tu Na Manjabui Lengkap dengan Umpasa

Punguan arisan adalah salah satu bagian dari kegiatan sekelompok punguan khususnya masyarakat batak, misalnya punguan STM, punguan Marga, punguan dongan sahuta, dan lain sebagainya. Kegiatan punguan arisan ini merupakan salah satu alternatif kegiatan untuk mengisi waktu luang dalam suasana kebersamaan. Biasanya punguan arisan ini diselenggarakan di hari Minggu.

Biasanya diacara punguan arisan, ada sesi mandok hata yang disampaikan oleh anggota punguan arisan yang datang kepada yang manjabui (tuan rumah).

Bagi anda yang belum mengetahui seperti apa kata-kata mandok hata di punguan arisan, dibawah ini akan saya tuliskan contoh isi mandok hata di acara punguan arisan dalam bahasa Batak.

Contoh Mandok Hata di Punguan Arisan Tu Na Manjabui Lengkap dengan Umpasa

Mauliate ma di Tuhan ta, disiala asi dohot holong ni rohaNa boi hita marpungu di bagasan tikkion marhite punguanta.

Mauliate ma nang dihamu amang R. Nainggolan/Inang br. Gultom na manjabui punguan arisanta dibagasan sadarion. Di panjakkon muna di hami, di paherbang hamu lage tiar hundulanta. Sai tiar ma parhorasan tiar ma panggabean di hita saluhut na.

Suang songoni sipanganon na pinatupa muna. Bosur hami mangan. Sombu uas minum aek sitio-tio, disi do dandi na, disi do dai na, disi tabo na. Sir-sir sira na hona nang asom na. Sai pamurnas mai attong tu daging, marsaudara tu bohi si paneang holi-holi mai si pasindak panaili.

Bagot do na marhalto dolok do na marrobean, horas ma hami na manganton, martamba-tamba di hamu sikkat ni na patupahon.

Di ari na uli di bulan na denggan on, hamu ma tutu amang na manjalo. Mandapot songon sinamot parbue ni arisanta. Molo hapeahani sinamot ni arisan tai amang inang, nunga ummalo hamu lao mambaen tu hapeahan na. Alai tangiang nami tangiang ni punguanta on, molo tu usaha pe baenon muna, sai martamba-tamba ma pangomoan. Sai martamba-tamba ma cabang na. Molo tu parsikkoalan pe sai tu bisuk na tu pistar na ma sude anak dohot boru ta, jala sai tongtong di iring-iring Tuhan ta.

Molo tung mardomu sirang pe hita annon sian bagas muna on, sai tongtong ma Tuhan ta na mian di tonga-tonga muna. Songoni nang hami sai Tuhan ta ma na mangiring-iring sahat tu bagas nami be di bagasan las ni roha.

Asa songon hata ni situa-tua ma dohonon ku:

Tubu ma si mallasuna, di dolok ni si buluan

Sude attong na ni ula ni tangan ta, sai di pasu-pasu Tuhan.

Mauliate ma di hita saluhut na.

Botima.

Hatakon pe di tambai dongan ma. Pinasahat ma tu bapa tua niba.

Contoh Mandok Hata di Punguan Arisan Tu Na Manjabui versi Bahasa Batak Original tanpa Umpasa

Mauliate ma di Tuhan ta, mauliate ma nang di hita saluhutna. Las rohatta boi hita marpungu dibagasan tikkion marhite punguan arisanta.

Mauliate ma di hamu amang S. Panjaitan, inang R. Hutasoit na paradehon bagas on inganan parpunguanta dibagasan tikkion.

Disambut hamu do hami di haroronami nakkin. Dipatuha hamu sipanganon na tabo. Butong hami mangallang. Anggiat ma tutu sai tu hipas na hita jala sehat-sehat hita. Lam martamba-tamba anttong dihamu rejeki dohot akka silasniroha sikkat ni na patupahon.

Sesuai jadwal arisanta, dibagasan sadarion hamu ma tutu amang/inang na manjalo mandapot arisanta.

Taringot tu tudia hepengon bahenon muna, nga ummalo hamu tudia bahenon muna.

Alai, berdasarkan keluh kesah ni amang dohot inang salelengon, ima naing manuhor kareta na imbaru ma nian laho pakkeon ni amang marojek online. Asa adong dalan ni amang laho mangalului hepeng.

Molo menurut hami, ba na denggan ma i amang/inang. Atik pe naung adong kareta muna sada. Ba, kareta naung adong on, boi mai khusus pakkeon ni inang laho mangajar tu sikkola dohot tu kantor dinas.

Jadi, molo tungpe hepeng arisan on naing manuhor kareta sada nai na imbaru, khsusus pakkeon ni amang, ba na denggan na uli mai. Asa adong pakkeon ni amang khusus laho marojek online, asa boi karejo ojol mulai sian manogot jam 6 pagi sahat tu jam sore manang sahat tu malam hari.

Ima usul nami amang/inang. Molo saut pe manuhor kareta na imbaru hamu, ba aggiat ma lam lancar karejo ojol amangta. Aturanna tiap hari dapat 100 ribu perhari, sai anggiat ma gabe boi dapot 200 ribu per hari, ate amang.

Molo mulak pe hami annon sian bagas on, sai di ramoti tuhanta ma tongontong hami. Songoni nang hamu amang/inang, tongtong di ramoti tuhanta.

Botima.