Dilema Gelar Opung Doli ketika Saurmatua Jika Cucu dari Anak Sulung Semuanya Perempuan

5 hami bawa, jala au ma siakkangan bawa. Anakku Boru sude goarna si butet. Adekku adong anakna bawa, namanya si Ucok.

Pertanyaannya: Molo saurmatua bapak nami. Oppung ni ise do baenon bapa on di tugu na? Oppung Butet manak Oppung Ucok?

Luhut Sianturi:

Anak do sijungjung baringin .pahompu baoa ima dipanggoarhon

Surung Sinaga:

Op.Ucok ma bahenon na molo di Tugu nai.

Alai molo di panjouon siganup ari,boi do Op.Butet(panggoaran).

Molo siboan goar manang sitiop tunghot harajaon ni Opung na inghon si Ucok do.

R Tambunan:

Molo songon dibona pasogit nami amang(di Sigotom) najelas pahompu sian anak siangkangan do dibaen,siucok manang sibutet dang mardia imbar asal ma pahompu sian anak siangkangan.

Horas:

Tung pe boru sude tubu ni anak sihahaan ( anak sulung ) ikkon i do di panggoarhon molo halak batak.

Edi Nainggolan:

Songon sukkun-sukkun halak Amang on, marnida luatna do panontuhon ni i. Alana di hutanami di Samosir huta Gumba Desa Toguan Galung tetap do goar ni anak/boru ni Sihahaan (Op. Butet).

M S Kalit Simanungkalit:

Na huboto di luat Silindung dohot na humaliang, Panggoaran ni Ompungna dingolu na sahat tu na monding ima Anak manang Boru Panggoaran ni Anak na Bawa Na untua.

Dang sala marpanggoarhon goar ni Boru di Silindung, alana samarga/samerek do ibana dohot i.

Sian panggoaran Amani/Nai Butet, sahat tu Op.Butet.

Naso boi ima Op. .... tubu ni Boruna ala nga asing marga/merek na. Ingkon Op. Ni Si .... molo tubu ni Boruna.

Molo na ingkon goarni Bawa sian Anak na tumua dipanghoarhon Oppung na, na huboto ima na masa di luat Humbang dohot na humaliang