Perbedaan Raja Adat, Raja Hata dan Siboto Adat

Apa perbedaan Raja Adat, Raja Hata dan Siboto Adat?

Berikut beberapa jawaban dari berbagai narasumber:

Oppung Reza Vio Manalu:

Raja adat adalah sisuan adat, situtupi adat siulahon adat ringgas tu ulaon adat

Sementara Raja Hata adalah naboi pajoloon mangkatai di angka ulaon Batak

Sedangkan Siboto adat di boto Ruhut ruhutni adat mangarar manjalo namargoar ulaon paradaton

Menara Simanjuntak:

Molo Raja Adat i do naboi mangaturhon aha natolap baenon ni Hasuhuton manggohi adat, ibana ma raja panuturi di horong Nasida mulai mamukka sahat tu namangujungi. Molo siboto adat Ima namamboto dohot mangantusi adat alai dang dope mangulahon dohot mandodo kemampuan ni Hasuhuton dohot pa tuk Hasuhuton songon Raja Adat. Raja Parhata Malo manghatahon Hata diparadaton songon raja panise Manang raja pangalusi di Loloan nametmet Nang attaran nabidang.

Pantas Panggabean

Nunga leleng binege na 3 jabatan i. Dihonahon hata i tu seseorang hombar tu peran dht karakternasida di luatnasida be. Songon on ma na boi niantusan dung digoari seseorang na tinananda i:

Raja Adat; didok tu sasahalak ala sai diradoti pardalan ni Adat na masa di luatna. Ndang dipasombu molo adong na lipe. Sai marusaha do asa sintong2 mardalan ruhut2 ni Adat i di luatnasida. Ndang pola dijaga sotung hansit roha ni dongan ala didok na sintong. Gabe sisungkunon ma ibana di ruhut ni Adat di luatna.

Raja Hata. Didok tu sasahalak na berperan di sada ulaon Adat. Gabe parsinabul rupani. Ala ni i holan di sada ulaon i do ibana gabe Raja Hata. Jala holan tingki mangula ulaon i do ibana didok Raja Hata. Isara ni molo di GAREJA, isara ni ulaon "liturgos" (paragenda). Holan di tingki ibadah i do ibana liturgos.

Songon i ma nang Raja Hata i, molo so ibana na mangulahon hatiha i ndang didok i "Raja Hata". Na mangulahon peran sbg parsinabul manang na manguluhon acara Adat, isara di na monding.

Siboto Adat. Didok tu sasahalak na selalu merespon hombar tu ruhut ni Adat aha na masa tu ibana. Isarana, molo ro parhulahulaonna tu bagasna manigor dihalaputi patupahon aha na boi patupaon songon tanda ni lasnirohana manjangkon tuturna i.

Manang molo diboto naeng ro pamoruonna, manigor disuru pardihutana mangalompa dengke.

Jadi "Siboti Adat" lebih tu perilaku do maradophon angka tuturna. Ndang didok i tu sasahalak molo so tarida di pambahenan. Pambahenanna i do umbaen didok ibana "Siboto Adat".