Manuruk Jabu: Acara Memasuki Rumah Baru dalam Adat Batak

Upacara adat memasuki rumah baru. Pesta ini tidak wajib harus dilakukan, karena sejak dahulu ada adat batak tidak menghaskan acara ini, kecuali bagi mereka yang dianggap mampu dan mau mengundang banyak orang termasuk didalamnya dalihan na tolu.

Ulaon manuruk jabu di dok do ulaon na metmet, na niontang ima:

1. Dongan tubu
2. Boru/bere
3. Dongan sahuta/aleale
4. Hulahula

Najolo ndang adong dope angka pande bagas (partungkang jabu), jadi molo na pajongjong jabu sai dongan tubu do na mangurupi pajongjonghonsa.

Ditingki i, tung mansai gomos do roha na masiurup-urupan, ido umbahen na adong hata na mandok: “SOLISOLI ADAT SIADAPARI GOGO” (Ingkon do masiurup-urupan).

Jadi najolo ndang masa manjalo tumpak sian dongan tubu di ulaon manuruk jabu.

Di tingki saonari on dang diarop be gogo ni dongan tubu laho pajongjong jabu, gabe mangalehon tumpak nama di tingki ulaon manuruk jabu i.

Angka na pasahat tumpak ima:

1. Dongan tubu
2. Boru/bere
3. Dongan sahuta/aleale

Hulahula ndang dapotan pisopiso di tingki ulaon manuruk jabu songon i nang uduranna ndang dapotan pasituak na tonggi.

Ulaon manuruk jabu di parnangkok ni mataniari do patupaon jala parjolo ma pangupaon, songonon ma udutanna:

• Natoras/haha/Ompung (dohot sian dongan tubu; molo holan sada pe na pasahathon na uli do)
• Hulahula

Sipasahaton di tingki pangupaon ima:

1. Dengke
2. Ulos
   3 Parbue gabe

Sarupa do sipasahaton ni dongan tubu dohot hulahula. Nang pe holan sada ragam dipasahat di pangupaon na uli do i.

Andorang so marsipanganon, dipasahat ma jolo tudutudu ni sipanganon tu hulahula.

Namamilang tangiang laho mangan pamoruon do jala hulahula ma na mangujungi.

Sidung marsipanganon diuduti ma muse tu na marbagi jambar diuduti muse pasahathon tumpak dohot pasahat hata pasu gabe.

Adong dua ragam udutudutan ni na mandok hata pasu gabe, parjolo:

• Mandok hata dongan sahuta/aleale
• Mandok hata boru/bere
• Mandok hata dongan tubu
• Mandok hata hulahula dohot uduranna

Dung singhop on sude, mangampu ma suhut:

1. Boru
2. Hasuhuton bolon
3. Hulahula dohot uduranna

Mangampu ma:

1. Dongan sahuta/aleale
2. Boru/bere
3. Dongan tubu
4. Hasuhuton

Sidung sude na pasahat hata pasu gabe, dipasahat ma muse tu hulahula laho mangujungi dohot ende/tangiang.

Sumber: Panduan Acara Adat Batak Toba Sejak Lahir Sampai Dengan Meninggal Dunia oleh Dr Christianus Manihuruk SE MM MH.