Dalam Agama Kristen dalam pemberian nama anak terlebih dahulu dilaksanakan babtis oleh pendeta/pastor di Gereja, karena suka cita orang tua anak diadakan pesta babtis ini dengan mengundang sanak keluarga termasuk didalamnya dalihan na tolu, didalamnya akan ada penyerahan tudu-tudu sipanganon, ikan mas dan ulos atau parompa.
Adong do sipata na mangulahon partangiangan holan nasida sekeluarga di jabu molo tardidi dakdanakna (dung mulak sian gareja).
Alai molo dipatupa pesta partangiangan patuduhon las ni rohana, na uli do. Molo dipatupa pesta partangiangan, jouon ma:
- Dongan tubu
- Boru/bere
- Dongan sahuta
- Hula-hula
Ndang pola sahat gongkhon tu tulang (tulang ni natoras ni na tardidi) alana ulaon na metmet do on.
Hula-hula mamboan:
- Parbue gabe
- Dengke
- Ulos parompa
Parbue gabe pintor dipasahat do on disi sahat nasida tu jabu, ia dengkena dipasahat ma andorang so marsipanganon (laho mangan), pamoruon pasahat tudutudu ni sipanganon tu hulahulana.
Na mamilang tangiang laho marsipanganon pamoruon do alai na mangujungi hulahula ma. Sidung marsipanganon mambagi jambar ma songon na masa di luat i.
Andorang so dipasahat dope hata gabe, pasahaton ni hulahula ma ulos parompa tu na tardidi, herbang do diuloshon sian jolo.
Urutan ni angka na pasahat ulos parompa:
- Ompung baona
- Tulang ni na tardidi
- Dohot uduran nasida
Dung i pe asa mangalehon hata pasu gabe:
- Boru ni hula-hula
- Dongan tubu ni hula-hula
- Hula-hula tangkas
Dung simpul sude, dipasahat ma tu pihak pamoruon asa mangampu.
Andorang so mangampu, jolo pasahatonna do pasituak na tonggi tu hula-hulana dohot uduranna molo adong tupa, alai molo ndang adong tong do uli ulaon i.
Mangampu ma pamoruon:
- Dongan sahuta
- Boru/bere
- Dongan tubu
- Hasuhuton
Biasa angka piga-piga punguan adong di pasahat bantuan berupa hepeng dibagasan amplop berdasaron Anggaran Dasar dohot Anggaran Rumah Tangga ni Punguan i.
Sidung sude mangampu dipasahat protokol nasida ma tu hula-hula laho mangujungi dohot ende/tangiang.
Sumber: Panduan Acara Adat Batak Toba Sejak Lahir Sampai Dengan Meninggal Dunia oleh Dr Christianus Manihuruk SE MM MH.